本文重點
滙控（00005）主席葛霖早前推出嘅新書《Good Value》，吸引唔少財金界人士拜讀，呢本書除咗銷情奇佳，原來仲大有機會獲選為今年其中一本最佳嘅商業書籍。事緣葛霖這本新作已入圍由《金融時報》與美資大行高盛合辦嘅「年度商業書籍」大獎名單，若最終勝出，葛霖隨時可獲總值3萬英鎊（約38萬港元）獎金。
港開賣引起哄動
絲絲之前都介紹過，葛霖呢本《Good Value》主要係討論喺金融危機背景下，現代資本主義制度及現今經濟全球化趨勢。
呢本書早前喺香港開賣已引起哄動，連特區高官都話要搶先拜讀！今次入圍「年度商業書籍」大獎名單，可謂再次肯定呢本書嘅分量，不過其他對手亦唔簡單，其中有《華爾街日報》專欄作者David Wessel針對聯儲局主席伯南克行事方式而寫嘅《In Fed We Trust》、知名投資顧問Liaquat Ahamed回顧一九二九年「大衰退」而寫嘅《Lords of Finance》等，葛霖能否成功獲選，就要等下月二十九日揭曉！
余絲韻