本文重點
台塑企業總裁王文淵去咗中石化集團度參觀，兼同佢哋嘅董事長王天普會面，兩家企業互訪取經，睇吓兩岸有乜業務可以拍住發展係好合理嘅事，但奇就奇在，王文淵帶畀王天普嘅見面禮竟然係一本學習報告，呢本報告又搞到王天普鬼咁感動。
送回當年學習報告
原來台塑同王天普係舊相好，事緣王天普喺國內學完化工後，去咗美國讀MBA，之後喺台塑美國公司實習咗3個月，當年佢寫嘅學習報告，台塑一直保留到依家。家陣48歲嘅王天普唔再喺當年嘅實習G仔，而係一家規模比台塑大3倍嘅企業「揸弗人」。
台塑方面仲話，今次中石化之行最深入嘅議題係佢哋嘅薪資及用人制度，亦都好欣賞中石化為求得到人才，突破傳統向全球招聘，唔似以前咁只係畀機會自己嘅同胞。
余絲韻