本文重點
金融海嘯揭露咗西方好多成熟嘅金融體系都係錯漏百出，絲絲都係回歸祖國嘅懷抱，連一向刨開講經濟嘅書，都睇番多啲中國人嘅出品，絲絲發現，滙豐晉信好搞鬼咁自創《紅樓理財》及《投資36計》，依家仲衝出中國出埋英文版，連新加坡、美國都有發行。
滙豐晉信自行編著
內地股市咁暢旺，好多股民都有買開投資書嚟參詳，呢啲書好多時都係翻譯自外國嘅金融書籍。滙豐晉信就自行編著，引用中國古典文學名著及歷史典故，圖文並茂咁講述基金嘅投資知識及財富管理技巧。呢兩本書喺內地多份報章及投資網站連續刊出，《紅樓理財》仲好巴閉，因為已經再版4次，銷售幾萬冊，係內地各大書店最暢銷嘅財經書籍之一。
呢兩本書咁賣得，當然連外國人都感興趣，滙豐晉信即刻譯埋英文版，總經理李選進話，希望透過呢兩本書嘅英文版，與國際投資者分享中國人嘅投資智慧，同時推廣中國傳統文化。果然係一舉兩得！
余絲韻