連日再有熱錢流入，大戶借勢大舉挾淡倉。熱錢流入，加上成交增加，市場氣氛完全改變晒，大市狂挾，唔少股仔起初仲係無咩鑊氣，不過近兩日已經見唔少股仔按捺不住，想郁郁哋。其實市場大把錢，只係大家畀早前嘅壞消息，嚇怕咗信心，在大市屢創高位下，估計部分資金又會流入轉炒股仔，唔排除「大時代」隨時會再臨。
內地加快基建項目，對水泥需求持續增加，自然利好水泥股，半新股金隅（02009）剛公布上市後首份成績表，截至六月底止錄得中期盈利7.3億元人民幣，升63.8%，有晒交代。華潤水泥（01313）進行招股，水泥股炒味升溫，金隅本身有業績支持，係最佳嘅炒影子股對象，不妨睇勢跟進，向上睇10元，止蝕可以考慮放在7.5元。
古晨