唔講唔知，殯儀相關業務有好多，好似擺放骨灰龕、打理墓園的公司，都可以將項目注入上市公司，項目地點分布在新界甚至內地。雖說有錢搵，不過並不是每個老細都咁百無禁忌，話晒呢類項目都唔係話咁吉利，所以即使有人有項目，是否搵到上市公司接收都要睇緣分。

殯儀概念股當炒

中國生命上市只有配售，所以好多投資者都無細心研究，估唔到自從上周三上市以來，日日登上升幅榜的前列位置，動不動升幾十巴仙，就以昨日為例，股價一度急升75.9%至4.24元，雖然最後升幅收窄至28%，但以收市價3.1元計，已較招股價0.72元爆升3.3倍；升幅固然勁，成交金額亦大得驚人，昨日半日市都有9.62億元成交。而同樣有相關概念嘅勤達（01172）及中民安園（08085）昨日升幅仲勁過中國生命，分別升40%及36%。

金占士