本文重點
新世界發展（00017）主席鄭裕彤一向予人泰山崩於前而色不變嘅形象，所以「沙膽彤」美譽無人不識。尋日九月十五日呢個大日子，係金融海嘯正式大引爆嘅分水嶺，絲絲問彤叔對於金融海嘯嘅感想，佢畀我呢位後輩嘅回應就係要樂觀、自信及積極。
海嘯初期挺身「定驚」
彤叔話：「金融海嘯經已過去，我吸取到嘅經驗係，只要心態保持樂觀積極，唔自亂陣腳，自然會否極泰來。」
回顧番去年金融海嘯初期，彤叔已率先走出嚟呼籲大家冷靜，強調香港係福地，有偉大祖國嘅支持，經濟唔會太差，佢更加為中小企吐苦水，後來竟然連佢自己都被波及。
大家應該仲記得，今年一月八日新世界股價急升穿10蚊，市場就突然傳出彤叔入院嘅謠言，搞到新世界股價大插水，收市後就見到彤叔精神奕奕咁企喺新世界大廈，謠言不攻自破，彤叔一句「老虎打死幾隻」，成為當時嘅金句。
彤叔扎根香港幾十年，有乜嘢驚濤駭浪未見過？金融海嘯一周年，彤叔畀絲絲嘅金石良言係：「應付危機嘅關鍵，係要有信心。」
余絲韻