國家多管齊下托市，內地股市即重啟引擎，尋日內地股市繼續做好，恒指受到帶動，全日再升310點，收報20,629點，升幅1.53%，成交金額639億元，動力似乎有減弱之感，或者係因為上周五嘅急升，已經部分消化咗QFII嘅刺激。
剛於周末結束的G20財長會議，各國聲言維持寬鬆政策不變，繼續推行刺激計劃，對市場來說，自然是利好消息。
睇番內地，豬肉價格已經連續十三個星期上升，內地相關嘅股份更加曾經出現漲停嘅情況，箇中因由，係內地母豬數量減少，加上飼養豬隻所用嘅玉米價格上漲，以致成本提高所致。由於嚟緊幾個月，將有多個節慶，相信對豬肉嘅需求會進一步上升，相關股份如雨潤（01068）、廣南（01203）等，可望有一番炒作。
（小尾）