本文重點
今時今日嘅滙豐控股（00005）當然係無人不曉，大家亦可能知道佢嘅英文名稱HSBC係源自Hongkong and Shanghai Banking Corporation（香港上海滙豐銀行），再細心留意大家就會發現「滙豐」二字並非由英文翻譯過嚟。
開業16年後改名
事實上，滙豐喺一八六五年於上海及香港註冊成立之時，中文名稱原本係「香港上海滙理銀行」，而「滙理銀行」則係當時中國對西方銀行嘅統稱，例如印度新金山中國匯理銀行（即依家嘅渣打銀行）、法資嘅東方匯理銀行等，而滙豐係要到開業16年後嘅一八八一年才正式採納「滙豐」為中文名，「滙豐」據講係由當時嘅華人買辦推算筆劃吉凶後提出，同時亦有「滙款豐裕」之意。往後百多年，滙豐嘅業務就向全球拓展，並成為舉世知名嘅金融品牌！
余絲韻