近期美股與A股走勢背馳，夾在中間的港股表現有點尷尬，一日升一日跌，惟股市有云「十個牛皮九個淡」，再睇上日的沽空金額有近52億元，佔整體成交比例達 9.2%，創3月初以來新高。睇嚟九月份的戰事仍未展開，淡友已先勝一仗！
內地電訊業重組後，三大營運商今年上半年的成績表相繼登場。盈利水平以聯通（00762）排第尾，賺66億元人民幣，跌45%。由於行業競爭日益加劇，除中移（00941）外，中電信（00728）和聯通的EBITDA均錄得倒退，分別跌3%和18%，又以聯通的表現最差。不過，集團正式擊敗中移奪得iPhone的中國銷售權，最快十月登場。管理層透露預料可助提升ARPU，看來信心十足，可唔可以成功嚟個大翻身，真係要靠今次啦！
（小尾）