港股上周五先高後低，收市跌144點，險守二萬點關，報收20,098點，成交額只有560億元，國企指數跑輸，跌136點或1.1%，報收11,433點。上星期港股日均成交額縮水到只有五百幾億，因為喺大市缺乏方向前，無人願入場。
今日月結，詩詩博國美（00493）會做番好些少，股友話守咗咁耐都無起色，要考慮打靶。詩詩承認國美近日走勢係差咗少少，但諗住長線投資，守住50日線即2元水平，詩詩坐住先。
上海電氣（02727）公布業績後走勢逐步改善，主要係業績僅倒退11%，好過市場預期。其股價在業績公布前，曾跌穿3.3元，幸而業績唔係勁差，加上六月後內地用電量回復正增長，市場憧憬下半年定單大增，再吸引投資者入場。德銀曾於本月十九日，以每股平均價3.443元增持1,000萬股，明顯係睇好佢前景。
今年上氣的境內發電設備定單接單情況不俗，首7個月已達347億元人民幣。至於有關電梯設備安裝、維修、保養業務亦見增加，表現出色。內地啟動4萬億元拉動內銷計劃；以及開展十大產業振興計劃下，上氣應可受惠，值得留意。
詩詩