前年莎莎傳過賣盤，近日個市旺，又有咁多零售股被傳賣盤，會唔會好多人用銀彈誘惑佢賣盤呢？郭生一聽就哈哈大笑：「你見我日日都扮到咁靚出嚟，我做得咁開心，點會賣？」

日日執到正 護膚有推介

原來郭生畀人叫「莎莎郭」叫咗好多年，莎莎代表靚，自己叫得「莎莎郭」，又點可以唔靚？所以佢日日都執到正一正出來見人。估唔到郭生同絲絲係同道中人，都係咁鍾意靚，咁就一定要交換吓扮靚心得啦！郭生就即時同絲絲分享，話自己用開旗下一隻瑞士品牌嘅男士護膚產品，呢條Line亦有女士產品，仲推介絲絲不妨試吓。

講番盤生意，佢話受豬流感影響，七月生意唔理想，但家生意好番，四月至八月同店銷售增長有3%至4%，本月仲有成15%添！銷售額單係八月都升咗20%，四月至八月就升咗8%，佢仲計劃喺銅鑼灣及尖沙咀開多兩間舖，新增1.9萬呎舖面。生意好咗，難怪唔捨得賣啦！

余絲韻