同系嘅大埔超級城亦係今年首度獲選為全國消費者最喜愛「香港品牌」金獎，可謂好事成雙！

聽講呢個獎係由全國嘅消費者選出嚟，真係夠晒代表性。新地租務總經理馮秀炎話，好榮幸旗下兩個商場攞到佳績，其中大埔超級城嚟緊就會投放更多資源喺旅客消費優惠方面。

一太戴維斯李偉文升職

代理行近期生意大好，陸續獎賞管理層，Vincent尋日收到第一太平戴維斯嘅喜訊，原任職董事總經理嘅李偉文，獲提升為香港及澳門行政總裁，全盤負責兩地嘅代理、物業管理等業務，而目前兩地聘用嘅員工超過1.1萬人。

另外，原為第一太平戴維斯（香港）副董事總經理兼租賃部主管嘅馬理烈，就會升任為東南亞行政總裁，管理位於新加坡、越南及泰國嘅5個辦事處，同埋會繼續負責本港嘅租賃業務，現時喺東南亞聘請嘅員工超過1,000人。

港置今年開舖或超標

樓市交投暢旺，地產代理行紛紛擴張，香港置業李志成同Vincent講，今年公司目標開多10間以上分行，現已落實簽約租入10間新分行，年底前會陸續開幕，其中設於鑽石山的一手豪宅專門店在昨日開張，最終全年增開分行數量可能超標。

李志成仲話，目前公司人手有650人，比年初增加30%，在短期內有機會增至750至800人。

中原已經密密開分行，該公司今年暫已重開及新增8間分行，增聘400名營業員，年底前目標再增10間分行及200人。

（Vincent Lau）