身家清白 唔准偷懶

近日上交所就出咗個《上海證券交易所上市公司董事選任與行為指引》，務求由忠實義務及勤勉義務兩方面制訂規則，令董事可盡責為股東服務。有關指引由董事會人員構成、提名程序、任職條件、考評及離職等方面都有明文規範，咁點先做到董事呢？

首先，董事候選人要「身家清白」，要3年內無受過中國證監會行政處罰同埋交易所公開譴責或兩次以上通報批評。董事受薪就當然係為股東做事，所以條文又規定董事要主動糾正損害上市公司利益行為，主動向上市公司披露利益關係等。

另外，董事唔可以用唔識為藉口免責；好多董事都係身兼多職，有公職又兼任其他公司董事，所以條例要求董事一定要確保自己有足夠時間及精力參與上市公司業務。

為咗避免董事長「一言堂」，規例又要求董事長一定要保證開到董事會議，仲唔准佢哋阻礙其他董事獨立行使職權添。

余絲韻