踏入八月尾，又到期指轉倉時，市場未有明確方向，而一眾大戶又忙於轉倉，指數只係窄幅徘徊，真係悶到爆，最慘係啲股仔仲未有起色，無波幅又無氣氛，唔少鑊鏟友都悶到瞓着。其實大家都預期大市會調整一下，心理上有晒準備，與其大市不升不跌，倒不如來個痛快，狠狠地大跌一場，先死而後生，一如上證一樣。
福山能源（00639）早前曾經以4.38元配股集資，其後股價密密炒上，直至昨日終於解開謎底，原來華潤深國信託一直在市場吸貨，現時才突然宣布持有福山能源4.2億股或8.4%。消息公布後，福山股價明顯做好，由於街外貨根本不多，現時有大孖沙突襲入場吸貨，股價自然易升難跌，小圓底回升威力不容小覷，上望7元，止蝕位可放於5元。
古晨