尋日中港兩地股市齊齊回升，恒指再度重返20,300點水平。不過，恒指近日上上落落，算係原地踏步；但股價上，差別仍大。尋日富力地產（02777）以及中國移動（00941）齊齊公布業績，可惜都不如人意。前者半年少賺九成，後者季度純利亦只輕微上升1.4%，遜於市場預期。
時至今日，唔少股份都經已公布了中期或者季度業績，不過，似乎表現都較預期為差，甚至乎同大家（筆者也是）早前憧憬經濟復甦、行業間營運情況大為好轉，根本屬於兩個境況。說句老實話，對於早前經濟復甦之說，都只係人云亦云，數據是否足以支持，事實又是否如此呢？一時仍難以判斷，但計我話，都係資金市作怪，大批資金的湧入，令到各行各業資本上升，最後才會弄成這個局面。
（小尾）