本文重點
自從10年前胡潤做咗內地首張富豪榜單後，「問題富豪」同榜單就如影隨形。係呢10年內有1,330個企業家上過百富榜，但當中亦出現咗超過40個「問題富豪」，所以百富榜被戲稱「殺豬榜」。
「問題富豪」分六類
對於呢個謔稱，胡潤不以為然，佢話兩者無因果關係：「該死嘅，唔理有冇上榜都係會死嘅。而且百富榜係咪『殺豬榜』已經唔重要，重要嘅係點解咁多豬未大就死咗？或者話呢啲『肥豬』到底食咗乜，搞到咁脆弱不堪？」
胡潤其實都好心水清，仲如數家珍話呢類富豪可分為六個類別：第一類係16個已經判咗刑嘅，第二類係3個仲未判嘅，第三類係正接受調查嘅10個人，第四類係有7個下落不明嘅，第五類係被調查過嘅7個人，最後一類係已去世嘅。
胡潤話民營企業家早年發迹實在無好嘅環境同政策，不過依家已唔同晒，仲有很多「賓卡」同外國風險投資者都好關注中國嘅優秀企業同企業家添。
余絲韻