內地資金大逃亡，半個月內上證大縮水兩成，市場即時傳出中央可能有救市措拖出台，上證昨日即時大幅反彈半成。內地好港股好，港股市場氣氛都好番啲，不過同七月下旬比就仲差一截，但總好過日日插水，如果睇番尋日成交唔夠600億元，多少已反映大市嘅「力水」，暫時入市都係應該保守為主。
今年市場大炒環保概念股，真明麗（01868）原本是白熾燈飾的生產商，近年將業務逐步轉移至二極管（LED）節能燈業務，且取得不俗市場佔有率。內地計劃在三年內逐步淘汰白熾燈，節能燈市場使用量估計今年有一倍增長，真明麗今年新業務甚有憧憬，早前發盈警主要是業務從舊換新所致，理應借股價調整而入貨，向上睇番4蚊，止蝕定2.65元。
古晨