本文重點
獲股神巴菲特垂青入股嘅比亞迪（01211），又獲股神「注資」，今次講緊嘅唔係錢，而係有錢都買唔到嘅人力資產，皆因被稱為股神接班人嘅David L. Sokol入咗比亞迪董事局做非執董，仲要一毫子都唔收，係咪好筍呢！
做非執董唔收錢
比亞迪宣布喺八月四日起，David L. Sokol會成為公司嘅非執董。52歲嘅大衞來頭唔小，佢依家已經係巴郡旗下中美能源、John Manville及NetJets嘅董事長，仲被喻為股神接班人添。唔知大衞係咪因為要睇住咁多業務分身乏術，所以今次喺比亞迪只係做非執董。
大衞大有來頭，比亞迪亦都盛意拳拳咁，諗住畀番每年15萬人仔董事酬金過佢，點知大衞隨後豁免咗董事費，即係話一個崩都唔收做義工！無所謂啦，只要比亞迪生生性性，回報又點只呢個數！
余絲韻