上證尋日又急挫，還好市場早有心理準備，加上早前的大殺倉，令市場上真正要打靶嘅鑊鏟友唔多。但大市跌得咁急，傷晒市場信心，短期入市真係要非常謹慎，話晒股票長過命，有勢時咪跟風炒番轉，回頭咪當休息抖一抖，無謂強行入市反被困。
浪潮國際（00596）剛剛再宣布取得江蘇省稅控解決方案嘅供應標書，現時全國11個省及直轄市中，佢已經取得當中9個，有咁嘅能耐，主要係佢手上嘅稅控收款機SOC芯片，正正是國家稅務局認證的唯一芯片，有王牌在手，難怪市佔率高達25%。現時整個稅控解決方案供應市場規模在600億至1,000億元人民幣之間，浪潮潛在收益認真唔講得笑，近期股價跌回近期低位，又係入貨時，上望1.7元，穿1.05元止蝕。
古晨