本文重點
互聯網普及，令唔少準買家喺入市前會上網做定功課，令代理行紛紛加強旗下網頁嘅置業資料，其中美聯（01200）執董陳坤興同Vincent講，為善用公司嘅網上平台，早前搞咗個「網上搵樓全民運動」，以鼓勵前線員工上載更多放盤，計劃推出後，上月嘅網上樓盤量即時大增，當中又以美孚、華景同葵涌區域嘅增幅最大，網上放盤量勁增達6倍。
倫敦樓價緩慢攀升
陳總仲話，今次比賽嘅頭三名可獲得嘅獎金總值為2.6萬元，今個月會進行第二輪比賽，獎金總值仲會加到超過2.8萬元。
本港樓價升到嘭嘭聲，但其他國家嘅復甦速度就無香港咁快，樓價喺近排先慢慢升番，萊坊老友同Vincent講，七月份倫敦市中心住宅樓價比六月升1.5%，雖連續升四個月，不過只累升約5.3%。
另高力國際話，坐落倫敦東部嘅豪宅St. Andrews將喺下個月來香港做展銷會，其中明年入伙嘅第1期Nexus會畀香港買家優先認購，售價由21.15萬英鎊起，整個項目共有964伙，1期就佔98伙。
（Vincent Lau）