本文重點
上半年個市好到你唔信，其實可能係經歷過去年尾嘅風聲鶴唳後，大家喺年頭太過悲觀，依家個市反彈就變成驚喜。借錢有政府撐腰嘅中小企，破產數字同定單亦無預期咁大幅轉壞，所以借錢畀中小企嘅錢莊表現都唔錯。
企業貸款近達標
據悉有間本地大行嘅中小企部門跑數情況標青，同全年定落條數睇，已差唔多達標！
話說呢間錢莊喺年頭定下目標，要企業銀行部旗下每間中心全年做到4.3億至4.6億元政府擔保特別信貸保證計劃，點知依家已幾近完成，仲要喺七月尾已開定慶功宴添。聽聞至少有部門已達成目標嘅九成，其他部門亦追得七七八八。
有唔少銀行為求「摔數」，通常係同事就嚟跑到4億，聽日嘅新目標係要跑多4億，真係務求「摔」死前線為止。不過有好友反映話，雖然佢哋表現好，但公司未有定新目標，千祈唔好以為咁就可以抖吓氣，因為部門之間要「威」，要鬥快喺今個月內完成全年目標！
余絲韻