受美股上周五做好帶動底下，港股尋日一開市就經已收復20,700點水平，雖然及後上證指數掉頭回落，恒指亦受拖累向下，但內地股市收市之後，恒指便再作上揚，最終收報20,929點。不過，全日成交金額有所減卻至713億元。大市缺乏成交下大升，當然令人想起「乾升」呢個字眼，個人認為後市方向仍然未明，現階段貿然入市，風險頗大。
尋日國家統計局突然公布，原定於昨日公布的七月份居民消費物價指數，以及工業品出廠價格指數，將改在今日發布。此舉曾一度引起投資者的擔心，不過據知國統局之所以咁做，其實只係為了可以統一啲，一次過公布數據畀大家啫。
至於個股方面，尋日汽車以舊換新工作正式啟動，因此一眾汽車股都見異動。
（小尾）