本文重點
金隅（02009）早排喺城中掀起一陣抽新股熱潮，不過其實好多人都唔知「金隅」呢兩個字點解，甚至有人叫錯咗做金「偶」（「隅」字嘅正確讀音係「遇」），最後都係要由管理層解畫，原來「金隅」係公司核心理念「誠信為金，隅固謀勢」嘅簡寫。
香港人見個「隅」字最多可能係舖頭促銷時嘅字句－－「欲免向隅」，其次就係讀歷史時見到嘅「偏安一隅」，隅字無錯係指其「某個地方」咁解，所以唔少人起初以為金隅係「某個珍貴嘅地方」，不過，金隅董事長蔣衛平就話「大錯特錯」！
「隅」字指根據地北京
蔣董話，「金」其實係指公司做生意時好重視誠信，呢個就係「誠信為金」；至於「隅」無錯係解作一個地方，嗰個地方就係金隅嘅根據地北京，而「隅固謀勢」意思就係金隅會以北京為重心，先鞏固優勢再發展全國嘅業務策略咁解。
余絲韻