本文重點
喬布斯發明嘅iPod被認為係繼Walkman耳筒卡式機後，最重要嘅個人音樂播放產品，但iPod記憶功能強大，帶來嘅保安隱憂被廣泛關注！有國際法證專家甚至關注到iPod被用作竊取公司機密嘅可能性，亦表明在必要時可提供所需嘅搜證服務。
提供電子法證收集
iPod除咗可用來聽歌外，透過適當嘅設定及軟件下載，亦可用作玩遊戲、保存資料甚至WiFi上網之用，國際風險顧問Kroll Inc近日指出，喺電子資料保密嘅防護工作上，公司有必要將員工使用嘅iPod列入風險評估範疇中，仲話iPod嘅強大記憶功能除足以竊取資料外，更重要係有心人可使用特定程式隱藏竊取嘅資料，甚至好似間諜電影咁喺必要時將偷取嘅資料「自我毀滅」。
因應呢個可能性，目前就有國際法證專家開始為有需要嘅機構，提供iPod嘅電子法證收集服務，確保盜取資料不被惡意破壞之餘，亦可將壞人繩之於法。
余絲韻