自去年九月美國華爾街金融危機爆發以來，美國財經作家們爭相撰寫關於信貸市場崩潰及銀行倒閉內幕嘅書籍，呢類作品不但銷量可觀，而且經常登上《紐約時報》商業類暢銷書排行榜，取代通常佔據呢個榜嘅個人理財類作品。

隨危機漸過銷量降

有出版公司主管話，金融巨頭平時顯得莫測高深，講述其幕後故事及「猛料」嘅書籍迎合讀者好奇心態。不過，最新一期《紐約時報》八月份商業類暢銷書排行榜顯示，金融危機類作品已經風光不再。有分析認為金融危機類作品喺美國書市不再風行嘅最大原因，係美國經濟指標近來出現好轉迹象。

今夏以來，美國人對呢類書籍嘅閱讀興趣漸淡，金融危機題材作品喺排行榜上不但名次下降，上榜作品亦減少。

還有一個重要嘅季節性原因，就係美國正值全國暑假，多數人走去度假，金融危機等煩惱事暫時放埋一邊。

余絲韻