做主持訪問CEO猛人

楊國猛最近粉墨登場，為旗下華娛電視主持《CEO實話實幹》，訪問大中華區內大企業嘅CEO，第一位受訪嘉賓係百事大中華區首席市場官許智偉，尋晚已經播出第一集。

身為美國麻省理工高材生嘅「猛哥」讀書猛就好多人都知，但估唔到佢做電視節目主持都有一手，尋日絲絲睇宣傳短片，感覺猛哥表現毫不生硬，而且仲好鬼投入。華娛台長李豪立解釋點解要搵猛哥，佢話要約到區內嘅CEO唔係咁易，猛哥出面會方便好多，加上大家都係CEO，傾落會更有火花。絲絲熟悉嘅猛哥，講嘢一向係佢嘅強項，呢次要佢聽人講嘢，絲絲都好有興趣睇吓。

余絲韻