上周五股仔大屠殺，昨日大市反彈，鑊鏟友又當無事埋位重新炒過，不過上證走勢轉弱係一個訊號，市場盛傳內地要徹查挪用資金炒股，正正係中晒市場死穴，難怪上周五殺得咁急。不過，昨日上證再跌，反見唔少股仔逆市炒番上，港股始終係一個國際化市場，水源廣泛，北水唔炒就歐美水照炒，一時三刻睇怕都未死得。
香港體檢（00397）近月真係無咩點炒過，現價位相對每股成0.96元嘅資產淨值，絕對係偏低。集團有心大搞體檢生意，上月剛配股集資引入四個基金，完成配股後，股價已急不及待先行炒上，睇怕係攞唔到貨嘅基金喺市場自行掃貨，在炒落後下，單係炒番上0.96元嘅每股資產淨值都夠晒和味，上周五最低都係見過0.62元，一於以此為止蝕位。
古晨