本文重點
上市公司年報嘅質素，反映企業嘅資料披露水平，隨着企業管治意識提高，近年陸續有香港上市公司年報獲國際獎項。好似和黃（00013）嘅○八年年報，就奪得有「年報奧斯卡」之稱嘅ARC年報大獎，以及喺LACP年報評選中連獲三獎。
內外兼優獲認同
ARC被公認為全球最具規模年報評審活動，計及今次獲獎，和黃已五度獲頒呢項殊榮。
至於LACP年報評選，除咗係由資深傳媒工作者擔任評審外，成功入圍參選嘅3,500份作品更係來自22個地區或國家，而和黃今次除咗憑年報設計獲得LACP亞太區最佳年報封面銅獎外，亦憑着整體資料嘅披露，分別獲得LACP綜合企業年報銀獎以及IARC綜合年報金獎，足以顯示和黃本年報除咗封面夠靚外，內裏提供嘅資料一樣有投資價值。
余絲韻