本文重點
到台灣旅遊嘅大陸遊客有如潮湧，連帶金融交易工具亦登陸台灣。中國銀聯卡尋日便正式「登台」，首宗成功刷卡個案，係由赴台出席保險年會嘅內地保險業從業員助先生，喺台北故宮博物館禮品部刷下，呢宗銀聯卡在台首筆簽帳消費交易金額為5,320元新台幣。
唔係間間都「碌」得
雖然中國銀聯卡發卡量超過18億張，係內地市佔率最高嘅信用卡及轉帳卡品牌，不過內地旅客若要喺台灣用銀聯卡刷卡，依家仲要碰吓運氣，點解？因為銀聯卡嘅「加按密碼」刷卡方式與台灣不同，所以全台20多萬家信用卡特約商店，都唔係好多間可以刷呢張卡，初期只有7萬幾間商店可使用。
好似內地觀光客最感興趣嘅台北101大樓，以至太平洋崇光百貨及遠東百貨，都要呢兩日才可開通畀銀聯卡刷卡，而內地旅客必遊嘅台北101大樓購物中心，某啲精品店如LV、Tiffany，暫時都未能給予銀聯卡刷卡，令內地觀光客只能看、不能買，除非帶夠現金啦！
余絲韻