見佢對氣象咁有研究，絲絲一時冇為意氣象同天文嘅分別，口快快咁問佢有冇睇之前嘅日食，Patrick就立即指出呢兩樣嘢，唔少港人都搞唔清，話外國有分氣象台同天文台，但就係香港咁「特別」，要將研究天氣變化嘅「氣象台」叫做「天文台」，但就唔研究天文、星座！

八九年Patrick同家人移民澳洲，中學同學喺舊機場送別。	Patrick與父母及姪女合影大學畢業照。	小時候嘅Patrick。

回流較易搵食

講番啲相，Patrick話舊機場送別嗰張相最感觸良多。中三時佢同家人移居澳洲，當時都唔捨得離開，擔心唔習慣外國語言同學習環境，但好彩最後都好快適應到。

大學畢業後佢就返嚟香港發展，九六年投身金融界至今，Patrick話香港始終係自己地方，有感情，而且喺呢度搵食好過喺外國，事業可以有較大發展。

沈慶洪 Profile

年齡：36歲

現職：BMI基金管理總裁

學歷：澳洲墨爾本蒙納殊大學（Monash University）經濟系畢業

習慣：風雨不改，每日放工用10多分鐘由灣仔辦公室行去金鐘搭地鐵，有時興起更會由灣仔行去上環。

余絲韻