本文重點
私人銀行係一門講求顧客服務嘅生意，不但要滿足客戶物質上嘅需要，仲隨時要協助客戶喺興趣上甚至情感上嘅需要，好似渣打（02888）咁，佢哋嘅私人銀行業務就推出咗一系列慈善計劃。
渣打嘅客戶可透過三方面參與慈善工作，包括與私人銀行合作，直接將錢捐出，協助渣打對付可避免嘅失明問題，未來五年渣打嘅私人銀行計劃資助三個計劃，並會由印度開始做起。
提供義工實習服務
另方面，若客戶需要度身訂造嘅意見，以反映個人興趣及財務承受力，可尋求渣打內部以及外部其他專家的意見。
最後渣打亦有提供實習服務，讓客戶親自參與義務工作，讓不只希望透過捐錢嘅客戶有機會身體力行回饋社會，渣打提供由三個月至一年嘅實習計劃，希望客戶及其家人可投入慈善工作。
渣打仲話，唔單止希望客戶可積極參與，共襄善舉，仲希望員工都可參加埋一份添。
余絲韻