內地可能會收緊銀根，上證即時應聲下挫，而且跌勢甚急，港股靠近祖國，北水可能停止供應，鑊鏟友自然睇定啲，雖然唔少股份都見有回吐，惟沽壓唔大，加上憧憬中移（00941）回歸A股，最後一粒鐘成個市即時醒神晒，內地貸款可能會無以前咁手鬆，但相信絕對唔會一刀切，所以一眾鑊鏟友埋咗位先算。
近排資源當道，內地需求回升，就連鋁價都提升唔少，五月上市嘅中國忠旺（01333），本身為鋁製品嘅下游企業，上半年市場對建築及工業用鋁材需求甚大，可謂旺丁又旺財。野村及瑞銀近期都紛紛調高其盈利預測，睇番忠旺上市後呈現大型收集形態，昨日一度跌穿10元，應該係最後上車機會，向上可睇13元，而止蝕位不妨放喺9元。
古晨