主攻新興市場最獨特

絲絲聽到佢講嗰陣，仲以為阿Ben想話喺太空咁遠淨係見到渣打一間銀行，原來係講緊渣打嘅獨有特色。睇番渣打呢間銀行又幾得意，駐守英國但係主力業務喺亞洲發展新興市場，阿Ben都話大家見過好多銀行，例如中資銀行以及跨國銀行好似花旗呢啲咁，不過始終係渣打最有特色。唔知渣打下次度廣告橋段，會唔會考慮吓阿Ben條橋呢？

不過如果講新興市場，其實仲有滙豐呢個咁大嘅競爭對手，好似佢哋喺亞洲嘅霍嘉治前日接受媒體訪問話，感覺上除咗渣打之外，其他外資對手佢哋唔多放在眼內。咁又係呀，滙豐喺拉丁美洲呢方面都好強大，不過衰在畀美國業務拖累咗，所以表現暫時輸畀渣打少少，不過講規模都係滙豐大啲。

余絲韻