銀湖上月沽35伙

Eric仲向在場員工許下承諾，若果今年公司營業額突破1億元，將會向旗下員工發放300萬元花紅，而今年首七個月營業額已超過去年全年嘅5,000萬元，年底前該行計劃用500萬至600萬元再開多6間分行，人手由依家120人增至150人。

另外，昨親身出席開幕禮嘅信置（00083）營業及市場部總經理劉貴玉話，烏溪沙銀湖‧天峰迄今累售1,800伙，上月售逾35伙，平均呎價5,500元，當中八成交易為逾千方呎大宅，如迎海大宅呎價高達8,500元。

海港城生意升7%

近排經濟好轉，商場嘅生意都明顯好咗，海港城助理總經理（租務）李麗儀同Vincent講，上半年海港城嘅生意額比舊年同期升7%，預期下半年表現會更加好，希望營業額升幅可以去到雙位數字。

受豬流感（H1N1甲型流感）影響，李麗儀話商場五月人流明顯少咗，不過六、七月已經有所改善，而上半年就以鐘錶行業嘅營業額升幅最勁，按年升逾10%；另每年商場都會換入幾十個新租客，今年就暫時換咗二十幾個，當中有10幾個係第一次進駐香港，預計年內續租租金有20%升幅。

（Vincent Lau）