港股強勢未改，恒指尋日一開市雖稍有回吐，但不久便已急不及待地向21,000點目標再度進發。而資金亦都繼續在不同板塊之間遊蕩。當中，家電股可算係較為突出的板塊，海爾電器（01169）及創維數碼（00751）分別上升17.6%和16.73%。至於新能源股份亦見蠢蠢欲動，大家不妨繼續留意。
金隅（02009）今日掛牌上市，網上討論區有網友就話，金隅暗盤價已經由9.8元升到10元樓上，故預期今日可見11元。無獨有偶，今日亦都係內地「大龍躉」中國建築A股首日上市買賣，兩隻新股齊齊上市，場面確係熱鬧，話唔定大市會趁勢進一步向上推進。不過，點講都好啦，近日的而且確有唔少股份已累積了頗大升幅，如今入市，即使以短炒為主都要小心為上。
（小尾）