本文重點
跨國企業嘅管理層往往都有自己一套管理秘技，例如和黃（00013）董事總經理霍建寧就以身體力行親身了解公司業務見稱，為確保各業務主管都能充分掌握日常運作嘅財務狀況，霍大班更隨時會使出「電話突擊查數」大法，「測試」主管嘅數口是否精明！
INQ爆料隨時收Call
霍大班一向以數口精明聞名財金界，和黃旗下英國手機設計業務INQ嘅行政總裁Frank Meehan於當地接受外電訪問時就爆料話，「電話突擊查數」已成為霍大班嘅習慣之一，「大班來電」除可於任何時間出現外，其談及內容更會涉及前線運作嘅財務細節，不過Frank就話，正由於呢種小心嘅財務管理，使INQ在逆市下仍能持續發展。
講開INQ，佢哋所設計首款整合Facebook社交網站嘅手機INQ 1，喺歐洲及香港均獲良好反應，Frank透露喺年底前，INQ將會再推出兩款新手機，其中一個特點就係將另一社群網站Twitter整合到呢兩款手機之上。
余絲韻