本文重點
身為台灣富豪嘅富士康（02038）母公司鴻海老細郭台銘流年不利，有唔少負面新聞，近期內地及台灣報章引述消息傳佢喺美國逃稅，查實鴻海已澄清話冇呢件事，但係郭首富知名度咁高，內地記者當然千方百計查根究柢，好似去查閱美國法院同稅局嘅文件，睇下有冇欠稅嘅存檔文件，仲問埋稅局發言人，最後發現事件原來屬「子虛烏有」。
近期鴻海有唔少負面新聞，好似早前內地報章報道話，有富士康員工被傳因擔心洩露iPhone機密而自殺。今次有人向傳媒舉報，話郭台銘喺美國逃稅，涉及利用前妻嘅美籍身份，言之鑿鑿。舉報人又話，郭台銘之前曾出售公司股份套現交稅，但只係交台灣稅，由於佢係美國公民，理應要喺美國交稅，仲計埋佢有可能因逃稅被罰30億至100億美元。
查清並無欠稅文件
不過，內地記者用心搵證據，發現有唔少疑點，佢哋上網去搵美國法院文件，發現有唔少有關鴻海及富士康嘅案件，但就無有關郭台銘嘅欠稅文件，基本上未有證據證明佢喺美國逃稅。
余絲韻