尋日中港兩地股市齊齊上揚，上證指數逐步逼近3,500點水平，而恒指尋日一開市亦已升穿20,000點關口，全日就共有62隻熊證被收回，其中10隻恒指熊證更加係未上市就被強制回收添。
講開尋日嘅升市，就真係升得幾全面，不論係指數、中資金融、資源、有色金屬股……幾乎所有板塊都有份落鑊，市場嚴重水浸，故大市走勢依然強勁，熊仔熊女仲係要再忍耐一下。
市場消息方面，國家對各行各業的支持計劃出台後，現已經漸見成效，多個行業均先後有好消息傳出。近期，又再傳中央財政將以百億基金助推文化產業，當中更表示會通過貸款貼息、項目補貼、資本注入等方式以促進文化產業的發展，唔知今次會否又為大家帶來一個新炒作藉口呢？
（小尾）