本文重點
喺呢個競爭咁大嘅環境，絲絲一直都抱住一係唔做，一做就要做到最好，攞個第一返嚟嘅心態！滙豐中國行長兼行政總裁翁富澤都同絲絲有相同理念，佢即將帶領滙豐中國喺今季開設第一家村鎮銀行支行，而集團亦為成為第一家喺A股上市嘅外資銀行而努力。
規模翻幾番 競逐發A
其實翁富澤由○四年開始到內地幫滙豐打工，就睇住滙豐攞咗好多個中國第一，絲絲就同佢數一數：○七年四月，滙豐中國成為第一批喺內地註冊嘅外資銀行；同年十二月，滙豐中國成為第一家進入中國農村市場嘅外資銀行；今年七月，滙豐中國就成為第一家以人民幣進行跨境貿易結算嘅外資銀行，的確巴閉！
翁富澤回想○四年啱啱到內地時，滙豐只有9家分行、兩家支行，員工1,200人，依家已躍升到有20家分行、68家支行，員工有5,300人，認真翻咗幾番！絲絲就期待滙控（00005）可以快啲到內地上市，股價同樣翻幾番，惠澤吓內地同胞！
余絲韻