英女王提問 學者解畫

其實英女王早喺去年十一月到訪倫敦經濟學院時，就忍唔住問咗呢個全世界都好想問嘅問題，點解無一位經濟學者會事先察覺到呢個席捲歐美嘅金融危機？咁點解班經濟巨人咁失敗？絲絲覺得女王問得真係好，點知學者答得仲妙。

一班學者為求解畫，足足用咗半年有多嘅時間，除咗道歉，仲拉埋其他重量級經濟學界人物包括財政部常任秘書麥克弗森（Nick MacPherson）、高盛首席經濟學家奧尼爾（Jim O’Neil）等，直指呢個係集體智慧人士嘅失誤，以致無正視風險嘅存在。雖然呢個答覆遲就遲咗，不過都叫做真相大白，唔知英女王仲記唔記得自己問過呢個咁發人深省嘅問題呢？

余絲韻