齊產CDMA手機搵大錢

近日有CDMA手機廠商人士透露，王總最近仲親自寫信畀手機廠商高層，話蘋果公司憑住3G呢個勢推出iPhone，取得巨大成功，佢話期待一款由中國研發製造嘅「中國iPhone」能夠早日面世。其實內地同胞嘅轉數極高，見到有好嘢，唔使幾耐一定有類似產品甚至係近似嘅A貨（唔知質素係咪A級）出現，事實上，內地家陣已有唔少外表同功能與iPhone相差無幾嘅乜Phone、物Phone賣緊，不過大家要留意，中電信經營緊嘅係CDMA網絡，唔係太多手機廠商會好積極咁生產CDMA手機，所以王總要咁落力鼓勵手機商生產CDMA手機。

3G校園套餐月費19蚊

另方面，中電信近日仲啟動大學校園3G攻勢，同步推出3G校園套餐，月費最低19蚊人仔，兼且進行手機話費贈送，呢個係內地運營商中首個針對大學生發動嘅3G攻勢，睇嚟內地嘅3G戰仲有排打。

余絲韻