本文重點
投資市場氣氛向好，新股認購反應熱烈，睇嚟金融行業嘅寒冬漸過，不過經歷金融海嘯嘅洗禮，金融界高薪厚祿嘅光輝日子喺短期內相信仍難重現，就以外資賓卡為例，佢哋來港工作所獲嘅福利就仍較過往明顯縮水。
港條件仍勝星洲
投行過往為吸引賓卡來港工作，隨時願意為佢哋提供每月多達20萬元嘅住房津貼，更會免費保送佢哋嘅子女入讀國際學校，聘用條件較佳嘅，甚至可獲提供價值200幾萬元嘅高爾夫球會或遊艇會會籍，作為基本月薪以外嘅標準福利，不過隨着金融海嘯嘅發生，呢啲美好日子已不復再。
喺華爾街帶頭下，金融行業薪酬及福利大降係環球大勢所趨，就以新加坡為例，喺當地工作嘅海外金融人才甚至不會再獲得任何額外福利，所以對海外賓卡嚟講，到香港工作仍然係唔錯嘅選擇。
余絲韻