早前經一輪調整後的內房股，昨日於尾市時段炒上，升幅更由3%至10%不等，相信在資金追炒落後股份，以及在抗通脹的憧憬底下，內房股升勢有餘未盡，今日可續加留意。
至於市場方面，糾纏甚久的鐵礦石談判，尋日就再有消息指，話鐵礦石談判或會十天後結束。其實無論結果係點，總算都可告一段落，對鋼鐵股確係屬利好因素，可以留意。
講番大市，尋日恒指同上證指數，齊齊再創近日新高，恒指衝上19,800點水平，而上證亦都成功企穩3,300點收市，大市走勢咁好，導致尋日再有44隻熊證被強制收回。不過，雖然尋日個市升，小尾感覺上有點略嫌乾升，甚至乎覺得背後並冇乜特別原因支持添，慎防挾完淡倉後，再有一個大挾好友的行動正在部署當中呀。
（小尾）