本文重點
「中國巴菲特」趙丹陽早排因為同正牌巴菲特共進午餐頻頻見報，最近內地又有報道話佢近日密會A股公司東阿阿膠總經理秦玉峰，秦玉峰仲大爆趙丹陽原來係佢哋股東，加上有傳老趙送咗支貴州茅台畀「股神」，唔少內地投資者即刻
實東阿阿膠同茅台嘅股價。
實東阿阿膠同茅台嘅股價。
贈阿膠原來佢有份
趙丹陽早排向巴菲特推一推，物美股價即刻狂升，搞到近排唔少內地投資者一聽到老趙嘅報道即刻打醒十二分精神。事實上最近內地確有好多關於佢嘅新聞，絲絲最近就睇到報道，話老趙喺深圳密會東阿阿膠秦玉峰，秦玉峰仲實牙實齒話老趙係佢哋股東喎。
查實趙丹陽之前同巴菲特食晏，佢送嘅兩份禮物就有一份係東阿阿膠，依家傳聞話老趙係阿膠股東，聯想力特別好嘅投資者好自然亦開始諗佢究竟會唔會亦係另一樣禮物─貴州茅台嘅股東呢？絲絲覺得有咗物美呢隻可鑑前車，日後難免有更多其他公司話趙丹陽係佢哋股東，無他嘅，錢作怪嘛。
余絲韻