港股昨日高開低收，走勢就認真麻麻，不過啲股仔依然鑊氣十足。雖然昨日大市略見沽壓，不過計及過去幾日嘅累計升幅，回吐亦好溫和。由於市場大把錢，每當啲股仔一有異動，場邊立即有人入市追貨，搞到唔夠貨分，所以呢幾日啲累計升幅相當大，現時炒至高位，有人食吓胡，沽番少少貨出來亦好正常，暫時仲未見到股仔有退熱迹象。
七月初港股掀起新股潮，引發熱錢流入炒新股，好似隻旭光（00067）咁，上市後炒一浸收一浸，張圖靚到不得了。其實旭光為全球第二大嘅芒硝生產商，業務十分獨特，有大戶狂收亦十分合理，昨日又見有買盤到，似乎準備炒穿頂。旭光本身街貨少，穿頂最少睇3.8元，如果跌穿2.6元，咪作止蝕囉。
古晨