本文重點
「That's one small step for a man, one giant leap for mankind.」（這是我個人的一小步，卻是全人類的一大步。）呢句係美國太空人岩士唐踏足月球時為人類講嘅第一句話。我上年喺人類登月39周年時都有提過，嚟到登月40周年無理由唔講。美國人最近又試勇闖呢個既陌生又熟悉嘅地方。係咪有啲似我哋期望港股重上歷史高位嘅心情呢？
闊別40年 既陌生又熟悉
太空船「太陽神十一號」喺一九六九年七月十六日升空，當年七月二十日登陸月球為人類創造歷史，直至「太陽神十七號」喺一九七二年完成任務後，美國人再無上過太空，但喺上個月美國再次探索月球。
美國人再次挑戰呢個既陌生又熟悉的地方，久別重逢又會係點？好似○七年十月三十日恒指高見31,958點，次按風暴打到嚟，去年十月二十七日恒指插到10,676點。依家股市似乎已過危險期，但係明日嘅事無人話得埋，輸過、痛過你仲敢唔敢上車，再戰呢個既陌生又熟悉嘅歷史高位？
今日係「欄王」劉翔的生日，跨欄講求節奏，做人做事一樣，要跨越障礙，就係要有自己嘅節奏。恒指由三月11,344點升到上個月19,161點後要休息下都唔奇，謹記好多事都係急唔嚟。