大市繼續牛皮，沒有明確方向，資金仍以觀望為主。月初大市回落整固，而期內唔少股仔回吐得幾深，大大打擊咗市場信心，搞到現時啲股仔一旦乏力向上，好多鑊鏟友就有理無理沽咗先，形成啲股仔愈來愈難炒，資金開始愈炒愈短，炒友亦應迎合市場變化而作出改變。
剛剛完成改名嘅大地資源（08116），月初曾發表通告，指集團正訂立一項框架協議，擬收購內地一家醫療訊息業務企業，內地正準備着手改革醫療系統，假若今次收購成功，可謂食正頭淡湯。
講番走勢，自消息公布後，大地股價已經發力抽上，整固三日後，上周四再現動力，而且成功破位，相信好事快近，短期正向0.35元進發，而止蝕位可放於0.21元。
古晨