上證指數於3,000點水平似有不俗支持，好似尋日咁，上證雖曾一度下試3,011點，但及後已即時作出反彈。繼日前杭州收緊第二套房貸後，北京、上海及廣州的銀行都開始收緊第二套房貸，加上市場又傳，人行將逐步回收資金流動性，故令投資者揣測，內地正微調寬鬆貨幣政策。
不過，另方面亦有消息指，內地保監會終於開綠燈，同意四家保險公司增設投資連保險帳戶的申請。由於這類型投資連保險的資金，正正是資本市場的重要渠道，故此舉亦令市場憧憬，未來股票市場上將有新的保險資金不斷流入，故認為若消息屬實，或可成為新一輪A股升浪的催化劑。
雖然港股續跌，但部分細價股就再做好，意圖再度落鑊，不過現階段由於大市成交減少，後市方向亦未太明朗下，即使炒得上，隨時都係得嗰兩三日貨仔，故實在不宜持貨太久。
（小尾）