本文重點
凱基證券營運總裁鄺民彬（Ben哥）喺證券界原來已經近廿年喇，夠晒缸湖地位，仲係一個好好先生，佢入行前做過保險界，亦曾經加入工業總會、貿發局、珠寶公司等唔同嘅機構或企業。信佛嘅佢話：「加入證券界或許係緣分啦！自己喺大學時代修讀經濟，之後喺不同行業浸淫，都為我打好證券分析嘅基礎。」
少時反叛脫胎換骨
依家事業有成就，但Ben哥回憶起自己細個時曾經係反叛青年。原來佢初讀小學時成績唔錯，但之後就開始反叛、懶散，成績每況愈下，好彩讀中四時佢參加咗社會服務團，接觸嘅人多咗，從補習、清潔沙灘等義務工作中建立信心，反思自己嘅不足，亦開始發憤讀書，「掹車邊」考入大學，展開人生新一頁。
Ben哥嘅興趣廣泛，並笑言自己受過「通識」教育，潛水、拯溺、樂理等都有涉獵，依家就最愛閱讀、聽音樂、靜坐、太極、瑜伽等，又好似佢自九十年代起開始學空手道，幾年後已獲授黑帶，依家已經係黑帶五段。
鄺民彬Profile
年齡：49歲
現職：凱基證券營運總裁
偶像：佛陀
學歷：‧香港大學佛學碩士
‧中文大學哲學碩士 （主修經濟）
‧中文大學社會科學學士 （主修經濟）
余絲韻