港股唔聲唔聲，又升番上18,600點。不過大價股依然十分被動，全由期指驅動，只有內銀股依然買盤停不了。至於股仔仍然未有起色，過往熱炒股全數死火，炒極都唔郁，可能係資金未歸位，不過部分自高位回落後，始終上唔番高位，如果今周仲係咁死死吓，睇怕又要再提高警覺。
現時資金轉炒個別板塊，內地消息多籮籮，個別行業有消息就持續炒作，內地醞釀汽車整合潮，汽車工業一向是講求效率，美日各大車廠多有購併重組以提升生產力，早前內地所公布的汽車業振興計劃，曾指出有意將內地目前15家主要車廠，重組成10家。在憧憬重組效應下，汽車股上周五見有異動，東風汽車（00489）早前宣布入股台資裕隆汽車在內地的子公司20%權益，率先自我增強實力，股價回調整固後，於6元重拾動力，在炒重組消息下，短期可望回升至7.8元，止蝕5.8元。
古晨